UNACH

Rector

EspañolEnglishFrançais

Sc´op yu´un te Rector

 

 

Ta cuenta te lum yu´un te Universidate:


C o´tan ya ca´c ta na´el ta stojol te jnop hunetic, jnopteswanejetic, jnop k´inaletic soc tej a´jteletic te bin ti mero lec co´tane, ta scuenta yu´un pajaluc ya ca´beytic yipal te a´telile ta scuenta te yutsilal te sloj´p te k´universitatique,Te Universidad Autónoma De Chiapas, naj yu´un nop jun, te pasot, c´alal ha´to ajwalil á te Manuel Velasco Suárez.


Ha´in jmu´c´ul jnajtiquí yu´un te nop huné ay ta scuenta orita ya´ch´il wocolil, pero que te ta scuenta te a´telil soc te sp´ijil pensaril yu´un te jpuc a´htelil awu´unique, ya c´ojtestic ta pasel seña yu´un te sujtib sc´op te bintic sc´anoj yo´tanic te ants winiquité yu´un te squ´inal chiapasé.


Te jchapojc´optiqué ha´ ya´beyel yipal te a´telilé ta scuenta hun yach´il Reforma, yu´un te Universidaté. Yu´un ya ya´bey yip á soc smuc´ubtés á te yutsil sc´oblal nojpteswanéj ta hun, soc ya ya´bey yip á te schapu´bil c´op soc te lum qu´inalé, hich nix yo´tan ya ya scoltay ta stahel te mero lek ayinel ta qu´inale soc yacuc sjuc ta spasel bintic t´ujbilticsbahé .


Te universidaté ya sjam yan welta te spuerta ta scuenta te binti mero yo´tan ya sc´ojtés ta pasel, te ayuc bin ut´il hun yax a´tehotic ta jpisiltic yu´un hichi ya c´otestic ta pasel á ha in chiapastiqui bin ut´il wen ya ya´c sit sts´unu´b , soc bayel ya´telul, bayel yutsil, bayel sc´uxul yo´tan, soc te spisil te bin tic ya yic´te yo´tanic ya sjucsbahic ta sc´otesel ta pasel.

 

Ha´ yu´un te hujun te yip a´telil yu´un ha´ in universidatí, te jnahinojtiqué, ay xch´uhunel yo´tanic yu´un te binu´til ta scuenta te sna´ohi´bal qu´inale soc te jp´ijil jolalé yah ca´ctic coltaywanej ta xchajpanel te ya´chil generacionetic yu´un chiapasé,hich nix bin u´til yacuc yi´c yo´tanic ta spasel éc te binti mero lec ta jcuxlehaltiqué.

 

Ya xc´opojon taj atojolic yu´unuc ta scuenta te slequil, soc bayel yutsil o´tanil ta spasel te a´telilé te Univerdad Autonoma De Chiapas yacuc na´boticucsbáj li´bahel ha´bilí hich te bin u´t´il mero lec hun snajul nophuné te ya ya´c yip yo´tan yu´un spasel te bintí mero lequé, te bayel yutsil sc´oblalé ta spajmal bahlumilalé, spisil ini ha´nax ta scuenta te lequil nojpteswanejé ta scuenta te ants winic te ay li´ ta squ´inal Chiapas soc ta squ´inal spisil México.

¡Bayel a wutsilic ta ha pisilic!

 

"Ta Scuenta te co´tanticuc coltaywanej ta lec"

 

Mtro. Carlos Eugenio Ruiz Hernández

Rector